كەشە قازاقستان پرەزيدەنتى نۇرسۇلتان نازارباەۆ رەسمي ساپارمەن بەلارۋس رەسپۋبليكاسىنىڭ استاناسى مينسك قالاسىنا باردى. مينسكىدە مەملەكەت باسشىسى بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن كەزدەستى جانە رەسمي ساپار اياسىندا كەڭەيتىلگەن قۇرامداعى كەلىسسوزدەر ءوتتى. ناتيجەسىندە نۇرسۇلتان نازارباەۆ پەن الەكساندر لۋكاشەنكو قازاقستان مەن بەلارۋس اراسىنداعى الەۋمەتتىك-ەكونوميكالىق ىنتىماقتاستىق تۋرالى شارت پەن 2026 جىلعا دەيىنگى ىنتىماقتاستىق باعدارلاماسىن بەكىتكەن بولاتىن. سونداي-اق, بۇل كۇنى قازاقستان-بەلارۋس بيزنەس-فورۋمى ءوتىپ, وعان ەكى مەملەكەتتەن 350-گە جۋىق بيزنەس وكىلى قاتىستى.
ەكى كۇنگە جوسپارلانعان ساپار اياسىندا مەملەكەت باسشىسى ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ مەرەيتويلىق سەسسياسىنا قاتىسادى.
